| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 27.55 | Dem. 27.58 (English) | >>Dem. 27.61 |
27.57ἢ τὴν μὲν φανερὰν οὐσίαν , ἣν καὶ ὑμῶν οἱ πολλοὶ συνῄδεσαν ὅτι κατελείφθη , μετὰ τῶν συνεπιτρόπων οὕτως αἰσχρῶς διήρπασεν , ὧν δʼ οὐκ ἐμέλλεθʼ ὑμεῖς ἔσεσθαι μάρτυρες , ἀπέσχετʼ ἂν ἐξὸν αὐτῷ λαβεῖν ; καὶ τίς ἂν πιστεύσειεν ; οὐκ ἔστιν ταῦτʼ , ὦ ἄνδρες δικασταί , οὐκ ἔστιν , ἀλλὰ τὰ μὲν χρήματα , ὅσα κατέλιπεν ὁ πατήρ , πάντα τούτοις παρέδωκεν , οὗτος δʼ , ἵνʼ ἧττον ἐλεηθῶ παρʼ ὑμῖν , τούτοις τοῖς λόγοις χρήσεται .
πολλὰ μὲν οὖν ἔγωγʼ ἔχω καὶ ἄλλα τούτου κατηγορεῖν · ἓν δὲ περὶ πάντων κεφάλαιον εἰπών , πάσας αὐτοῦ διαλύσω τὰς ἀπολογίας . τούτῳ γὰρ ἐξῆν μηδὲν ἔχειν τούτων τῶν πραγμάτων , μισθώσαντι τὸν οἶκον κατὰ τουτουσὶ τοὺς νόμους . λαβὲ τοὺς νόμους καὶ ἀνάγνωθι .ἐμοὶ δʼ ἐκ τεττάρων καὶ δέκα ταλάντων ἐν δέκʼ ἔτεσιν πρὸς τὸν χρόνον τε καὶ τὴν ἐκείνου μίσθωσιν πλέον ἢ τριπλάσια κατὰ τὸ εἰκὸς προσῆκον γενέσθαι , τοῦτο διὰ τί οὐκ ἐποίησεν , ἐρωτᾶτʼ αὐτόν . εἰ μὲν γάρ φησι βέλτιον εἶναι μὴ μισθωθῆναι τὸν οἶκον , δειξάτω μὴ διπλάσια μηδὲ τριπλάσιά μοι γεγενημένα , ἀλλʼ αὐτὰ τὰ ἀρχαῖʼ ἐμοὶ πάντʼ ἀποδεδομένα . εἰ δʼ ἐκ τεττάρων καὶ δέκα ταλάντων ἐμοὶ μὲν μηδʼ ἑβδομήκοντα μνᾶς παραδεδώκασιν , ὁ δὲ καὶ πρὸς ὀφείλοντά μʼ αὑτῷ ἀπέγραψεν , πῶς ἀποδέξασθαί τι προσήκει τούτων λεγόντων ; οὐδαμῶς δήπουθεν .
27.58
Νόμοι
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 27.55 | Dem. 27.58 (English) | >>Dem. 27.61 |
